جار التحميل..

  • الشحن مجانا

    لحد باب البيت

  • خدمة العملاء 01211182222

المجلة

11-May-2020 عايز تلفزيون جديد؟ اختار من أكتر 5 شاشات مبيعا في 2020
أفكار ونصائح
عايز تلفزيون جديد؟ اختار من أكتر 5 شاشات مبيعا في 2020

ع ايز تشتري تلفزيون جديد ومفيش دماغ أنك تدور كتير؟ عشان متضيعش وقت وتدوخ نفسك عملنالك قائمة ب أكثر5 شاشات مبيعا عندنا في 2019 وملخص لأحسن مميزات فيهم (ال5 شاشات سمارت والرسيفر بلت ان (مدمج أكثر5 شاشاتمبيعا في 2020:       متعة التلفزيون في ألوانه، وده الحلو في الشاشة دي لأن فيها خصائص بتهتم جدا بالألوان زي : تقنيه Purcolor دي بتنقي الألوان فتطلع الألوان واضحة ومزهزة     ولو بتحب تعيش جوه الأفلام يبقى التلفزيون ده ليك عشان كل مشهد هيشدك خصوصا مع الأبيض والأسود لأن فيه تقنية micro dimming اللي بتخلي الأبيض صريح جدا وبتغمق الأسود لأقصي درجة فتندمج جدا خصوصا مع مشاهد الدراما والأكشن وكمان أفلام الرعب لو قلبك جامد ولو انت عايز شاشة جديدة وعملية الشاشة دي حجمها مناسب جدا لليلفينج وسعرها ممتاز عايزتشتريها؟    سامسونج  55 بوصة  صورة ملهاش حل الشاشة 4K وبروسسور UHD  (معالج فائق الدقة) يعني الألوان واضحة و الحركة خيالية والcolor contrast (تباين الألوان) مفيش زيه من ناحية الشكل الشاشة تصميمها في منتهى الشياكة سواء حابب التلفزيون في الليفينج او الرسيبشن لو بيتك مودرن فهو هيضيف touch جميل للمكان   محبين أجهزة ابل حتحبوه جدا لأن الشاشة بتشتغل مع  Apple Airplay  شغل فيديو أو اتفرج على فيلم من على أي جهاز ابل بمجرد ما تفتح ال Airplay عايز تشتريها؟  سامسونج 55 بوصة  بعد يوم طويل في الشغل بنبقى مستنيين نروح نرتاح ونطفي دماغنا شوية ويا سلام لو نسرح حبتين مع مسلسل أو فيلم خفيف وكوباية شاي سخنة بالنعناع وحلو أوي كدة  لو أنت دماغك كدة يبقى حتحب خاصية ال Auto Depth Enhancer اللي بتخلي الصور طبيعية جدا وتشوف كل تفصيلة كأنها حقيقية هتنسى نفسك خالص وتفصل وتروق الكومبو : فيه كل حاجة ( شاشة كبيرة وتلفزيون سمارت وبروسيسورUHD فائق الدقة ) الشاشة دي للي بيحبوا الشاشات الكيرف ،  تقدرتتفرج على التلفزيون من أي زاوية مش ضروري تكون قدام التلفزيون بالضبط عايز تشتريها؟ ال جي 55 بوصة  ابسط نفسك بكل سهولة الشاشة حجمها مناسب جدا عشان تعمل movie night وجمع اصحابك أو عائلتك وشغل Netflix اتفرج على اللي نفسك فيه مع بيتزا لارج أوشوية فشار وفرفش كدة وفكها ليه بنقولك movie night ؟ عشان التلفزيون صوته مميز لأنه surround sound  فتحس الصوت محاوطك من كل مكان    وجودة الشاشة HDR بتضبط تناسق الألوان فالألوان تطلع طبيعية وهتحس بالضبط كأنك في السينما  سعر يجنن خصوصا بعد الخصم وفيه كل الأوبشنز اللي تحتاجها: شاشة 55 بوصة، سمارت، 4k، ودقة فائقة UHD عايز تشتريها؟     ال جي 49 بوصة  فيه كل اللي انت عايزه: شاشة 49 بوصة حجمها مناسب و 4k عشان تتفرج بمزاج وكمان سمارت صوت واضح و  surround sound فالصوت قوي وبيتوزع في الأوضة صح  الصورة نقية و التفاصيل دقيقة وباينة من غير نغبشة واللي بيعمل كدة هو البروسسور الرباعيQuad-core processor  أهم حاجة في التلفزيون ده؟ بصراحة؟ سعره! هايل جدا بالنسبة للأوبشنز اللي فيه شاشة 49 بوصة و كمانUltra HD  فلو بتفكر في شاشة بسعر كويس وفيها المميزات الأساسية يبقى مينفعش متجيبهاش

اقرأ أكثر ..
11-May-2020 دليل غسالات الاطباق- الجزء الأول
أفكار ونصائح
دليل غسالات الاطباق- الجزء الأول

خلينا نتكلم شوية عن غسالات الأطباق زي مثلا الحاجات الأساسية اللي لازم تكون عارفها لو لسه هتشتري غسالة أطباق جديدة أو لو عندك واحدة أصلا بس حابب تعرف أكتر عن الاستهلاك والاستخدام عشان تستغلها صح.  هنتكلم عن 5 حاجات: العرض  السعة استهلاك الكهرباء والمياه برنامج توفير الطاقة (ECO)  صوت الغسالة   1. العرض 45 سم  لو مطبخك ضيق أو لو أسرتك صغيرة واطباقكم مش كتير يبقى الأنسب لك تجيب غسالة أطباق عرضها 45 سم فتوفرلك مجهود كبير و في نفس الوقت ماتخدش مساحة كبيرة 60 سم لكن لو أسرتك كبيرة أو استخدامكم عالي يبقى الانسب غسالة بعرض 60 سم عشان تستوعب اطباق وكوبايات أكتر طبعا دي هتاخد شوية من مساحة من المطبخ لكن هتكون عملية ومريحة. 2. السعة  لكن في نقطة مهمة وهي ان مش كل الغسالات ال45 سم أو 60 سم زي بعض. وده لأن سعة كل غسالة وتقسيمتها من جوه مختلفة عن التانية وهتلاقي سعة الغسالات بتتقاس بعدد الاشخاص. فمثلا لو هتجيب غسالة 45 سم يبقى أتوقع تقريبا انها تشيل مستلزمات من   8-10 أفراد. أما غسالات ال60 سم فبتستوعب استخدام  12-16 شخص. وده برضه على حسب كل غسالة.   حسبة الشخص الواحد تقريبا بتكون قد ايه؟ طبق مسطح كبير و طبق تاني صغير طبق شوربة فنجان شاي وطبقه كوباية عادية أدوات الطعام للفرد   3. استهلاك الكهرباء والمياه   بالنسبة بقى للأستخدام   برامج الغسل العادية بتعتمد على درجات حرارة عالية عشان تنضف أحسن وأسرع وتجفف بقدرة أعلى، ولكن المشكلة ان التسخين بيستهلك كمية مياه وطاقة عالية ، فبالتالي ممكن يعلي عليك فاتورة الكهرباء والمياه. فهل في حل موفر شوية؟ 4. وضع/برنامج توفير الطاقة (ECO) في برنامج موجود في بعض غسالات الاطباق بيساعدك انك توفر 30% من فاتورتك بدلا من البرامج العادية اللي بتستهلك كتير. البرنامج مناسب لو الاطباق مش متسخة بشكل كبير جدا فمش محتاج تسخين عالي.   طيب ازاي بتوفر طاقة؟ مدة الغسل بتكون أطول ولكن حرارة المياه بتكون أقل من العادي وده اللي بيقلل من الاستهلاك.   5.صوت الغسالة أكيد حاجة مش مريحة خالص أنك تشتري غسالة تكون عملالك ازعاج في البيت . وانت بتشتري شوف مستوى الضوضاء للغسالة وحدد اذا كان ده اللي هتستحمله ولا لأ. مستوى الازعاج بيتقاس بالديسيبل، وده تبسيط لمستويات الضوضاء وتأثيرها المتوقع عليك.  من منتصف ال 50 ديسيبل فما فوق بتسبب ضوضاء العالية من منتصف ال 40 ديسيبل ضوضاء متوسطة/عادية لو مستوى الضوضاء أقل من منتصف ال40 ديسيبل اتوقع أقل مستوى من الضوضاء   انتظروا الجزء التاني اللي هنتكلم فيه عن تصنيفات الطاقة ونشرح بعض البرامج الجديدة! 🙂 

اقرأ أكثر ..
11-May-2020 اجابات ل7 أسئلة عن الغسالات
أفكار ونصائح
اجابات ل7 أسئلة عن الغسالات

المقالة دي بتجاوب على بعض الأسئلة اللي  ممكن تيجي عل بالك وانت بشتري غسالة 1. ازاي تحدد حجم الغسالة المناسبة ليك؟  ده بيعتمد على حاجتين: حجم أسرتك وهتغسل كام مرة في الاسبوع. لو بتحب تجمع غسيل الاسبوع على مرة واحدة ولو بتغسل لحاف ، مخدات أو قطع كبيرة يبقى غسالاتك لازم تكون كبيرة. وده تقريب لحجم الغسالة المناسب لحجم كل أسرة. 2. ايه هي انواع الغسالات الاساسية؟ الغسالات الفول اتوماتيك نوعين:  غسالة تحميل علوي وغسالة تحميل أمامي. غسالة تحميل علوي  الغسالة بتتفتح من فوق فمش هتحتاج تتني ظهرك وأنت بتملاها. سعر الغسالات دي بيكون أقل من التحميل الامامي لأن فيها محركات هزازة أو مراوح دافعة بتاخد مساحة كبيرة وده بيقلل من سعتها الفعلية. غسالة تحميل امامي باب الغسالة أمامي وبتشتغل بتقنية الدوران بدل من المحركات الهزازة فمفيش هدر في السعة وكمان هي موفرة أكتر للطاقة. 3. ليه عدد اللفات في الدقيقة مهم؟   قوة وسرعة التجفيف في الغسالة مهم جدا وده بيتقاس بعدد اللفات في الدقيقة، وكل ما زاد عدد اللفات  كل ما كان التجفيف أحسن وأسرع. هتلاقي معظم الغسالات ما بين 1000 إلى 1800 لفة في الدقيقة. طيب ازاي تحدد سرعة اللف اللي انت عايزها؟ لو معظم الغسيل اقمشة ثقيلة يبقى هتحتاج سرعة لف عالية.  لكن  عموما سرعات اللف المعقولة بتكون ما بين 1200 إلى 1400 لفة في الدقيقة.   4. ازاي تختار غسالة موفرة للطاقة؟  كفاءة الغسالة في استهلاك الطاقة والمياه مهمة جدا عشان ماتدفعش فواتير غالية على الفاضي . الغسالات الموفرة ليها تصنيفات من A لحد A+++ . كل ما قربت من ِ A+++ كل ما كانت الغسالة موفرة. 5. اتوقع حجم الغسالة يكون قد ايه؟  ده متوسط احجام الغسالات الارتفاع 85 سم العرض 70 سم العمق  ما بين 40 إلى 70 سم 6.  ايه هي المقاسات اللي لازم اعرفها؟ لما تيجي تحسب المقاسات عشان تتأكد ان الغسالة هتكفي المكان اللي انت اخترته، انت مش بس هتقيس ارتفاع وعرض وعمق المكان ، لازم تاخد في اعتبارك الأبعاد الخارجية للغسالة وتصميمها لأن في غسالات تصميمها كيرفي وضخم من الجنب او الامام. وعشان تكون في الامان قيس فتحات الأبواب والممرات اللي هتستخدمها وانت بتدخل الغسالة عشان متتفاجأش وتعرف ان كانت هتعدي من الممرات والابواب دي ولا لأ.   7. هل المسحوق بس هو المنظف للغسالة؟ تقدر تختار مسحوق أو جل أو سائل. ميزة المنظف الجل والسائل انه بيذوب بسهولة في دورات الغسيل المنخفضة الحرارة

اقرأ أكثر ..
10-May-2020 عشرة نصائح لشراء افضل الأجهزة الكهربائية
أفكار ونصائح
عشرة نصائح لشراء افضل الأجهزة الكهربائية

بتدور على أجهزة كهربائية لبيتك الجديد؟ أو عايز تجدد بيتك وتشتري مجموعة جديدة من الأجهزة الكهربائية؟ إحنا هنقدملك 10 نصائح تخليك تقدر تشتري كل الأجهزة اللي بتدور عليها! 1. حدد الميزانية من أهم الخطوات اللي لازم تاخدها قبل شراء أي جهاز هو تحديد ميزانيتك بوضوح لأن دا هيوفر عليك قلق وتفكير كتير في سعر الجهاز وهيساعدك في اتخاذ قرار أحسن وفي وقت أسرع. عشان كدا بننصحك بوضع خطة مكتوبة ومقسمة بكل وضوح وتنظيم، فبالطريقة دي هتقدر تنظم ميزانيتك وفلوسك على حسب إمكانياتك، بالإضافة إلى أن الطريقة دي هتوفر عليك تفكير كتير في الخيارات الكتيرة المتاحة وهتضيق نطاق اختياراتك وتسهل مهمة اختيار الأجهزة المناسبة. 2.  اغتنم الفرص والعروض! محلات كتير بتعمل تخفيضات وعروض أو بتخفض أسعارها في أوقات معينة من السنة، ماتفوتش الفرص دي أبدا وتابع العروض واسأل دايما عن مواعيد التخفيضات، واحتفظ بأي كود خصم أو كوبونات أو حتى عروض للتوصيل المجاني. 3. لا تقع في فخ التسرع عمرك اتسرعت قبل كدا في شراء أي منتج أو جهاز أو صرفت فلوس كتير جدا على منتجات مش محتاجها؟ سيطر على مصروفاتك ولا تهدر أموالك على العروض الكثيرة أو تنخدع من شكل المنتج. وافتكر دايما انك عشان تاخد قرارات شراء حكيمة لازم تحدد احتياجاتك أولا بنفسك. ابدأ بسؤال نفسك الأسئلة المهمة: ما أهمية الجهاز دا بالنسبة لي؟ كم عدد المرات اللي هستخدم فيها الجهاز دا؟   ما مدى الوقت أو المجهود اللي هيوفره عليا؟ ضع في اعتبارك احتياجاتك المستقبلية اللي هتأثر على مجالات الإنفاق المحتملة، زي مثلا انتظار مولود جديد هيزود بالتالي عدد أفراد عائلتك فهتحتاج إلى غسالة ملابس أو غسالة أطباق أكبر حجما، ودا معناه ان شراء الجهاز الجديد اللي هتحتاجه في المستقبل دا فكرة مناسبة.   4. ادرس المساحة جيدا  يجب أن تدرس مساحة منزلك بشكل جيد وتحدد بالضبط المساحة اللي محتاجها للجهاز الجديد اللي بتنوي شراؤه حتى لا تتعرض لمشكلة ازدحام المنزل بشكل مبالغ فيه أو تشتري أجهزة لا تناسب المساحة المتوفرة لديك، فعشان تتجنب مشكلة إرجاع الأجهزة أو شراء أجهزة مالهاش مكان مناسب في البيت، عليك اتخاذ بعض القرارات بخصوص مكان وضع الجهاز اللي هتشتريه، وتحديد إذا كان حجمه مناسب للمرور من المداخل أو الممرات، وضع في اعتبارك أيضا عرض الباب وارتفاعه، وعشان كدا لازم تاخد المقاسات بدقة عشان تتأكد ان الجهاز هيناسب مساحتك. اتخاذ هذه الاحتياطات قبل التسوق أونلاين أو قبل زيارة المحل هيخليك واثق ومتأكد من أي حاجة متعلقة بأبعاد الجهاز اللي هتشتريه. 5. افحص الأجهزة بدقة   حاول تتعرف على المواصفات والخصائص والأبعاد على أرض الواقع، وافحص الأجهزة جيدا عشان تكتشف أي عيوب فيها وتتعرف على المادة المصنوعة منها ومدى متانتها وكمان تتأكد من سهولة استخدامها. فمثلا لو كنت عايز تشتري ثلاجة، لازم تتأكد من عرض الثلاجة وخامتها وعدد الأرفف ومدى سهولة فتح الباب وقفله وتقنية التبريد ومختلف تقسيمات باب الثلاجة والأرفف الخاصة بالتنظيم والتخزين. 6. تخلص من حيرتك   وجود خيارات كتير ممكن يكون شيء حلو وفي نفس الوقت ممكن يبقى مزعج ومحير. ودا سببه أن المحلات بتتنافس في توفير أكبر مجموعة ممكنة من الأجهزة، ودا بيمنحك حرية في الاختيار بس ممكن برضو يسببلك حيرة كبيرة وتشتت بين أنواع الأجهزة المختلفة. وعشان تقلل التوتر الناتج عن اتخاذ قرار زي دا، هنذكر بعض الخطوات اللي هتبسط عملية اتخاذ القرار: 1. حدد هدفك وركز على الخصائص المفضلة احتفظ بالروابط والصور اللي هتلاقيها أثناء البحث عن أفكار سواء أونلاين أو في المحلات، وبالطريقة دي هتعرف بالظبط إيه هي الخصائص اللي بتلفت انتباهك أو بتساهم بشكل كبير في اتخاذ القرار. 2. تضييق نطاق الاختيارات استبعد الخيارات الأقل تفضيلا عن طريق عمل مقارنة بين المتانة والماركة والشعبية وآراء المستخدمين والأسعار، ثم استبعد الخيارات غير المتوافقه معك حتى يصل عدد الخيارات إلى ثلاثة فقط، ودا معناه انك اقتربت من اختيار الجهاز الأمثل بالنسبة لك. 7. ضع توقعات واقعية للسعر حاول تضع تقدير لتكلفة الجهاز الحقيقية بناء على أسعار الأجهزة في السوق، وضع في اعتبارك خطة ميزانيتك الحالية والمستقبلية عشان تعرف إذا كانت الأسعار مناسبة لخططك أم لا. لو كنت تهدف إلى توفير المصاريف، فمن الممكن شراء الأجهزة اللي ليها تقييمات جيدة بخصوص توفير الطاقة، وكمان لازم تاخد فكرة عن الضمان والصيانة ورسوم أي خدمات أخرى. كل دا هيساعدك في الحفاظ على أجهزتك وصيانتها جيدا وكمان هيدلك على الخطوات اللي هتحتاج إلى اتخاذها في حالة تعطل أي جهاز عندك. 8. أضف لمسة فنية لمنزلك من الأخطاء الشائعة اللي بنقع فيها هو الفشل في تنسيق الأجهزة مع الشكل العام للمنزل، وعشان كدا لازم تتصور الشكل النهائي للمنزل قبل شراء الجهاز، وحدد إذا كنت تريد أن يكون تصميم بيتك كلاسيكي أو معاصر أو حديث أو قديم أو بسيط. ثم اختر مجموعة الألوان المستخدمة في الحوائط والأرضيات والأسطح، وبعد ذلك حاول تنسيق هذه الألوان مع ألوان الأجهزة الأكثر شيوعا كالفضي والأبيض والأسود والرمادي أو الأجهزة بأسطح الستانلس ستيل. ضع في اعتبارك أن الألوان الفاتحة تعطيك شعورا باتساع المكان وهو الأمر المهم جدا في الأماكن الصغيرة، حاول أن تجعل الشكل متناسقا عن طريق توحيد ألوان الأجهزة وملاءمتها مع بعضها البعض. 9. ابحث في جميع المصادر المتوفرة على الإنترنت   استغل المنتجات المعروضة على الإنترنت وتعرف على أحدث صيحات الأجهزة، ثم قم بإعداد قائمة تضم الأجهزة الأكثر أهمية اللازم تواجدها في أي منزل جديد، وكمان يجب الاطلاع على أدلة الشراء لتتعرف على أهم الخصائص اللي لازم تبحث عنها. 10. تعلم من خبرات الآخرين اسأل اصدقاءك وعائلتك عن الجهاز اللي عايز تشتريه واقرأ آراء المستخدمين عن أفضل الماركات والأسعار والخصائص الأساسية، ودا هيسهل عليك مهمة الشراء وهيختصر خطوات كتير أوي لما تاخد المعلومات المهمة من شخص اشتري مؤخرا الجهاز اللي بتبحث عنه. استمع إلى كل نصائحهم اللي بيقدموها لك بناء على خبرتهم وتجربتهم مع نفس الأجهزة، وتعلم من تجارب الآخرين فيما يخص الاختيارات الموفقة والاختيارات التي لم تكن موفقة تماما.

اقرأ أكثر ..